Pagpapala ng Poong Jesus Nazareno

Featured

Ako ay isinilang na isang mahirap sa tabing-ilog ng San Juan.  Mula pagkabata, hirap ng buhay ang aking dinaanan.  Sa awa at tulong ng Poong Jesus Nazareno, nakatapos ako ng High School.  Naging tindera ng tela sa Divisoria, nagkaroon ng sariling pamilya, mabait na asawa at dalawang babaeng anak.

Taong 1972, Nobyembre 27 nang isilang ko ang panganay kong si Marilyn.  Na-eclampsia ako at nabulag. Deboto ng Nazareno ang aking ina at inihandog niya ako sa Nazareno. Ibalik lang Niya ang aking paningin, maglilingkod ako sa Kanya.

Siyam na araw ang pinanata ng aking ina ng paglakad ng paluhod sa Quiapo.  Pagdating ng ika-limang araw ay nakababanaag na ako ng liwanag lang. Bumalik ang aking paningin. Mahigit isang buwan ding wala akong nakikita. Madilim ang paligid. Pero ibinalik Niya ang paningin ko na naging isang bulag.

Taong 1983, ako naman ang humiling kay Nazareno na bigyan Niya ng extension ang buhay ng aking ina. May bara ang dalawang ugat sa puso niya.  Pinagbigyan ng Poong Nazareno ang hiling ko – noong 1990, nawala ang bara sa puso ng nanay ko.  Sabay ng panalangin, sinunod ni nanay ang lahat ng bilin ng mga doctor ng Heart Center.  Noong 1997, akala ko bumalik ang sakit niya dahil sobrang init noon.  Binigyan siya ng general check-up sa Heart Center at nakita na magaling nang lubos ang sakit niya. Taong 2001 nang kinuha na siya ni Lord. Napakahabang extension ang binigay Niya.

Sa tabing-ilog ng Old Sta. Mesa kami noon nakatira.  Hiniling ko rin sa Kanya na bigyan lang Niya ako ng isang maliit na lupa at bahay na matitirahan.  Nanalo ang mister ko ng lupa sa raffle draw ng Pag-Ibig noong 1985. Ang pinsan ko at boss ng mister ko ang mga taong hinipo ng Poong Nazareno na tumulong sa pagpapatayo ng bahay.  ‘Di ko akalain na ibibigay Niya ang aking kahilingan.

Sa tulong Niya, ang dalawang kong anak na babae ay nakapagtapos ng kolehiyo at may maganda nang hanap-buhay. Noong 2006, na-stroke ang aking asawa pero sa awa at tulong ng Mahal na Poong Jesus Nazareno, siya ay nakalakad mag-isa kahit na paika-ika.  Masaya pa rin kaming magkasama sa buhay.

Alam ko na mahal ako ng Diyos.  Noong hindi ako marunong magpatawad, naka-sentro lang ako sa aming mag-anak.  Wala akong pakialam sa aking kapwa.  Puro hirap ang naranasan ko.  Pero nang binuksan ko na ang aking puso, natuto akong magpatawad, magmahal at buksan ang aking palad sa pagtulong sa aking kapwa. Ang lahat ng hiniling ko sa Poong Jesus Nazareno ay ipinagkaloob Niya.

Buksan natin ang ating puso at hayaan natin siyang makapasok at sundin ang kalooban Niya.  Patawarin ang nagkasala sa atin at itapon na natin ang lahat ng bara sa ating puso tulad ng galit at inggit.  Ipalipad na natin ito sa hangin na ‘di na natin alam kung saan mapupunta. Ipaagos sa tubig na mapapagod ka sa paghabol dito hanggang ito’y hindi mo na makita.

Templo ng Panginoon ang ating puso.  Doon Siya nananahan sa atin. Pusong malinis, mapagpatawad, mapagmahal at mapagbigay – ito ang dapat tayong magkaroon at ang lahat ng ating hinaing at kahilingan sa Kanya ay kanyang pakikinggan at ipagkakaloob.

Ang Diyos ay pag-ibig.  Ang Diyos ay ang Salita na kasama natin. At malalaman natin ang lahat sa Biblia, ang Banal na Aklat.  Halina at buksan na natin ang ating Biblia at hilingin natin sa Kanya na dagdagan Niya ang karunungan at kaalaman mo at pagkalooban ka ng buhay na walang hanggan.  Magdiwang ka ‘pagkat ang Diyos ang sumasaiyo sa oras na ito at ang kalooban Niya ang dapat nating sundin sa Bagong Buhay sa Bagong Panahon na darating.

– Nanay Linda Ang,  April 2012  (+639274778781)

Nuestro Padre Jesus Nazareno Hymn (Lyrics and Sheet Music)

Featured

DSC00358

Nuestro Padre Jesus Nazareno**

Nuestro Padre Jesus Nazareno,
Sinasamba Ka namin.
Pinipintuho Ka namin.
Aral Mo’y aming buhay at kaligtasan.

Nuestro Padre Jesus Nazareno,
Iligtas Mo kami sa Kasalanan.
Ang Krus Mong kinamatayan ay
Sagisag ng aming Kaligtasan.

Chorus:
Nuestro Padre Jesus Nazareno,
Dinarangal Ka namin!
Nuestro Padre Jesus Nazareno,
Nilul’walhati Ka namin!

Nuestro Padre Jesus Nazareno,
Dinarangal Ka namin!
Nuestro Padre Jesus Nazareno,
Nilul’walhati Ka namin!

(Kung gusto po ninyo ng mp3 copy ng awiting ito, maaari po kayong mag-email sa blacknazarenestory@gmail.com )

(English translation)
Our Father Jesus Nazarene,
We worship Thee.
We admire Thee.
For Thy teachings are our life and salvation.

Our Father Jesus Nazarene,
Deliver us from Sin.
For the Cross Thou died on is
The Emblem of our Salvation.

Chorus:
Our Father Jesus Nazarene,
We honor Thee!
Our Father Jesus Nazarene,
We glorify Thee!

Our Father Jesus Nazarene,
We honor Thee!
Our Father Jesus Nazarene,
We glorify Thee!

**Lyrics by Lucio San Pedro, National Artist of the Philippines. This hymn is the closing song of masses held at the Basilica of Nuestro Padre Jesus Nazareno in Quiapo, Manila, Philippines.

Nuestro Padre Jesus Nazareno Sheet Music

A shared real story how God shows his greatness

Magandang araw po sa lahat.
Ako po ay isang Filipino na nagtatrabaho dito sa Kabul City, Afghanistan bilang Dog Handler or tawaging OFW. Gusto kung lang po e share sa inyo ang aking naging karanasan dito sa Afghanistan.
Matagal ko ng naririnig about sa Poong Nazareno sa Quiapo Church, hanggang sa isang araw po nagpasama ako sa pamangkin kong magsimba sa Quiapo Church dahil hindi ko pa po noon alam kung saan ang Quiapo.
At nagdala ako ng mga Panyo na na may mukha ni Poong Nazareno at isang kwentas ng kanyang mukha sa pag uwi ko ng Zamboanga sa aming bahay.
Nagustuhan ng mga anak ko ang mga panyo at sabi ng aking asawa na sana daw ay makadalaw kami sa Simbahan ng Quiapo at maka halik sa kanyang paa.
Sometime March / April 2014, Nagbakasyon ako diyan sa Pilipinas at buong pamilya kaming nag mission sa Quiapo Church sa loob ng siyam na araw…para ipagdasal na sana ay gumaling na ang karamdaman ng aming bunsong anak na may problema sa heart at ganun din ang aking asawa na may rheumatic heart.
Simula noong nakapag mission kami sa tingin ko gumaling na ang aming bunsong anak kasi hindi na sumusumpong ang kanyang karamdaman…. Samantalang ang aking asawa naman ay matagal na hindi sinumpong ang kanyang karamdaman pero paminsan minsan ay bumabalik ang kanyang nararamdaman.
At kapag nakakapagbakasyon ako at mataon na salubungin ako ng aking asawa sa Manila, pumupunta kaming magsimba sa Quiapo at makahalik man lang sa Paa ng Poong Nazareno.
Pagbalik ko dito sa Afghanistan sa aking trabaho bilang Dog Handler, ay lagi kung dala ang panyo at Kwentas na imahe ng Poong Nazareno.
Dito sa Afghanistan, ay uso dito ang mga Suicide Bomber or Suicide attack, babanggain ka ng taong may karga kargang bomba sa katawan.. or babanggain ka ng isang sasakyan na may kargang bomba…
Mayroong isang tanghali na mag relibuhan na kami ng papalit sa akin…Sa isang Police Mission ako naka assign that time…nag usap muna kami ng kapalitan ko, about 7 minutes…at sa 7 minutes na iyan may naunang sasakyan ng H. Company kung saan ako naka contract…paglabas ko ng gate ng POL, nagkakagulo na ang mga guard at sabi ng driver na sumundo sa akin… ROMY MABUTI HINDI TAYO NAKASUNOD AGAD SA LUMABAS NA SASAKYAN NG H. Company…tinanong ko naman kung BAKIT, sabi ng driver, binagga ng Suicide Bomber at kung nakasunod tayo agad doon malamang na madadamay tayo kasi a few minutes lang ang delay ko na lumabas sa gate.
Sabi ko salamat sa Diyos at inilayo ako ng disgrasya…
Sa loob ng compound ng Camp H. na aming tinutuluyan dahil ito ang Base ng H. Company, dito sa Kabul City, Afghanistan…Nakaugalian ko ng mag jogging ng kada 6 AM kung panghapon ang aking duty.
5:00 (AM) ng umaga noong November 18, 2014,  maaga akung bumangon dahil sa ingay ng aking mga kasama na papuntang duty…at naisip kung mag jogging na lang, pero sa kabutihang palad, bumalik akung humiga sa aking higaan na para akung tinatamad lumabas para mag jogging..
5:30 (AM) habang ako ay nakabaluktot sa paghiga, biglang may narinig akung malakas na pagsabog at inakala kung Rocket Attack sa compound ng H. Company…Biglang naging ZERO visibility ang loob ng building, nawala ang ilaw at grabeng alikabok…nakiramdam ako baka may kasunod pa ang pagsabog, noong pakiramdam ko wala na, narinig kung nagtatakbuhan ang mga tao at may sumisigaw  na GO OUT TO YOUR ROOM AND GO TO THE SAFE PLACE, bumangon ako sa aking pagkakahiga at sumilip ako sa pintuan, madilim at alikabok ang naaninag ko hanggang may nakita akung ilaw ng flashlight…Kinuha ko ang passport ko, Cellphone at tsinelas sabay labas ako sa likod ng building para maghanap ako ng bunkers…
May nasalubong akung security at pinapasok ako sa loob ng building, sabi niyang binomba daw kami…Noon nagmadali na akung pumasok sa building sa loob ng kainan namin…Doon ko na nakita ang mga naipong tao, iyong iba may mga sugat gawa ng mga nagka basag basag na salamin….Tapos biglang nagkaputukan sa roof top ng building at may sumigaw ng grenade…iyon pala, pagkatapos ng pagsabog ng bomba, may tatlong (3) taong suicide attackers na may dalang tig fifteen (15) grenade para itapon sa mga rooms ng building…Mabuti lang na alerto ang mga QRF sa roof top at binaril nila ang tatlong attackers….
Nang naayos na ang lahat, narecover na namin ang mga gamit namin, tumawag ako sa aking asawa diyan sa Pilipinas at sinabing mag offer ng Thanks Giving Mass dahil sa pag kaligtas namin sa pangyayari sa pagsabog ng bomba sa compound ng H. Company.
Pagpunta ko sa duty ko sa Police Mission, balitang balita na may namatay daw na isang K9 handler… Inexpect ng karamihan na namatay ako dahil sa pagsabog na iyon ng bomba, dahil iyon ang oras ng aking laging pag jogging sa umaga.
Sinabi kung ako iyong taong laging nag jo jogging sa umaga at ang sabi nila Suwerte daw ako at di ako nag jogging sa araw na iyon…
Ang pinaka huling pangyayari ay itong August 1, 2016.
Pinasabugan ang aming tinitirahang hotel ng isang truck na bomba, na ayon sa istimation ng National Police ay 1,500 kilos of Improvised Explosive Device (IED) ang pinasabog na iyon ng mga rebels sa tabi ng aming tirahan.
Nasa kasarapan na ng aking pagtulog ala una  ey medya (1:30 AM) ng madaling araw ng August 1,  ng may bigla akung narinig na napakalakas pagsabog, pagkatapos ay naramdaman kung may mga nahuhulog na mga alikabok at mga giba gibang mga bagay sa dumagan sa aking paa. Nakiramdam ako at may kasunod na mahina hinang dalawa pang pagsabog…
Dahil napakadilim, pinilit kung hinanap ang aking back pack dahil natabunan ng ng mga sira sirang mga bagay. Noong nahukay ko ang aking back pack dahil sa pagkatabon, inilabas ko ang aking flashlight at hinanap ko ang aking cellphone na tumilapon…
Kabutihang palad at tumawag ang aking supervisor mula sa kabilang compound para mag verify kung anu daw iyong narinig nilang pagsabog, at doon ko narecover ang aking cellphone…
Sinabi ko na tumawag sila ng rescue dahil binomba ang aming acommodation at nag worried ako sa malamang ng ground attackers….sinabi ko na ang building ay giba giba…pagkatapos ay pinatay ko ang aking cellphone para hindi malowbat..
Pagkatpaos narinig ko ang aking mga kasama sa 2nd floor na nagtatawagan kung okay lang ba sila.. Inilawan ko sila sa aking flashlight at sa awa ng Lord okay naman sila maliban ang isang kong ksama na may tama sa gilid ng kanyang kanang mata…tapos bigla silang nanahimik.
Biglang tinawag din ako ng isang kung kasama na nasa taapt ng room ko at tinanong ako kung okay lang ako… Sabi ko naman na okay lang ako pero masakit ang kaliwang puwet ko dahil iyon ang tinamaan ng mga wasak wasak na mga bagay at trases ng bubong. Sinabi ng kasama ko na dapat bumaba daw kami baka bibigay at babagsak ang 2nd floor ng building, kaya nag dahan dahan kaming bumaba…
Bago kami bumaba, pilit kung hinahanap ang Panyo ng Poong Nazareno na nasa maliit na corner table sa tabi ng higaan ko, pero hindi ko talaga makita, hanggang sa sumama na akung bumaba sa ground floor.
Pagdating namin sa ground floor doon nagkita kita kami ng iba kung mga kasama. Bale 18 kaming lahat na Dog Handler sa building na iyan noong sumabog ang bomba… At sa Milagro ng Langit walang namatay sa amin maliban sa mga slight  lang ng injury ng mga kasama ko.
Noong na rescue na kami ng mga Security ng Hotel dinala kami sa bunkers at nilunasan ang maliliit na sugat ng mga kasama kung may mga sugat pagkatapos ay dinala kami sa pinaka safeting lugar na puro Expat Security na ang nagbabantay.
Noong natapos na ang barilan nila dahil lumalaban ang limang (5) ground attackers na may dalang tig labin dalawang (12) granada.. pinayagan na kaming bumalik sa giba gibang building para kunin ang mga gamit namin na puwede naming marecover.
Doon ko na nakita ang Panyo ng Poong Nazareno na nasa ilalim ng unan ko.  Ang ipinagtataka ko kung papaano siya napunta sa ilalim ng unan ko samantalang tumalsik siya mula sa kinapapatungan niyang maliit na corner table sa tabi ng higaan ko.
At isa pa kung papaano natanggal ang kwentas ng Imahe ng Poong Nazareno sa loob ng Panyo na nakatiklop at napunta ang Kwentas ng Imahe niya sa ilalim ng Panyo na nakatiklop parin ang panyo. Hanggang ngayon hindi ko matapos tapos isipin kung papaano nangyari iyon. At habang iniisip ko tumatayo ang aking balahibo sa aking katawan at ulo.
Sa ngayon basta ang sa isip ko sinamahan ako ng Poong Nazareno sa oras na iyon at hindi niya ako hinayaang may mangyari sa akin at sa aking mga kasamahan…
Ito po ang history ko na diko makakalimutan…
Maraming samat po sa Admin ng Black Nazareno Story
Gumagalang,
Romy
Kabul City, Afghanistan

NOBENA SA NUESTRO PADRE JESUS NAZARENO – Ika-apat at Ikalimang Biyernes

NOBENA SA NUESTRO PADRE JESUS NAZARENO

– Ika-apat at Ikalimang Biyernes –

Krus ng ating kaligtasan

Dapat nating ikarangal

Sagisag ng kalayaan

At ng Muling Pagkabuhay

Ni Hesus na Poong mahal

Mga kapatid,

lumuhod tayo sa harap ng larawan ng Nuestro Padre Jesus Nazareno.

Sambahin natin Siya na nakaluklok sa kanan ng Amang nabubuhay magpakailanman.

Mga kapatid, pakinggan po ninyo ang sinasabi ng ating Panginoon.

Ang pagtitiis ng hirap

ay bahagi ng pagkatawag sa inyo ng Diyos,

sapagkat nang si Kristo ay magtiis para sa inyo, binigyan niya kayo

ng isang halimbawang dapat tularan.

Hindi siya gumawa ng anumang kasalanan, o nagsinungaling kailanman

Nang siya’y insultuhin, hindi siya gumanti.

Nang siya’y pahirapan, hindi siya nagbanta.

sa halip, ipinaubaya niya ang lahat

sa Diyos na makatarungan kung humatol.

Sa kanyang pagkamatay sa krus,

pinasan niya ang bigat ng ating mga kasalanan

upang tayo’y mamatay na sa kasalanan

at mamuhay ayon sa kalooban ng Diyos.

Kayo’y pinagaling na

sa pamamagitan ng kanyang mga sugat.

Sapagkat kayo ay tulad ng mga tupang naliligaw,

ngunit ngayon kayo’y nanumbalik na upang sumunod sa Pastol

at Tagapangalaga ng inyong mga kaluluwa. (I Pedro 2:21-25)

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Ikaw ang tanging Anak ng Diyos!

Naging anak ka rin ni Mariang Birheng kalinis-linisan.

Bigay ka ni Maria sa amin

bilang Tagapagligtas at kapatid.

Bigay mo si Maria sa amin bilang Ina namin at pag-asa.

Pinuno mo siya ng grasya.

Punuin mo rin kami ng grasya ng Espiritu Santo:

pag-ibig, kagalakan, kapayapaan,

pagtitiyaga, kagandahang-loob,

kabutihan, katapatan, kaamuan,

at pagpipigil sa sarili. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Inilalarawan mo sa amin

ang mukha ng Diyos na di nakikita;

ang Diyos na puspos ng pag-ibig at lipos ng habag.

Katulad mo kami sa lahat ng bagay, liban sa kasalanan.

Sa Binyag kami ay ginawa mong

mga anak ng Diyos na banal.

Sa aming pamumuhay araw-araw maipakita nawa namin

ang nakalulugod sa Ama namin. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Lubos mong naunawaan at nadama

kung gaano kasama ang kasalanan

ng bawat tao sa nakaraan, sa kasalukuyan

at hanggang sa katapusan ng panahon.

Sinunod mo ang kalooban ng Ama

na iyong tiisin ang maraming hirap at kamatayan sa krus

para tubusin ang mga tao

mula sa bawat lipi, wika, bayan, at bansa

at gawin silang mga saserdote para maglingkod sa Diyos Amang Makapangyarihan sa lahat.

Kami nawa’y makasama mo

sa iyong patuloy na pagtitiis ng kahirapan

para sa kaligtasan ng sanlibutan. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Sapagkat ikaw ay mabuti.

Ang pag-ibig mo’y napakatatag at mananatili,

hindi kukupas, walang katapusan, hindi magwawakas. Amen.

Ika-apat at Ikalimang Biyernes

Hesus Nazareno, sa mga Katolikong di makapagsimba,

maawa ka, Panginoon.

 

Hesus Nazareno, sa mga nagpapadasal at nagpapamisa,

maawa ka, Panginoon.

Hesus Nazareno, sa mga hukom ng mga maralita,

maawa ka, Panginoon.

Hesus Nazareno, sa mga pulis at guardiang maaasahan,

maawa ka, Panginoon.

Hesus Nazareno, sa mga nag-iisip pumatay ng bata,

maawa ka, Panginoon.

Hesus Nazareno, sa mga lumalapastangan ng kagubatan,

maawa ka, Panginoon.

Hesus Nazareno, sa mga mag-anak na sidewalk-vendor,

maawa ka, Panginoon.

Hesus Nazareno, sa mga anak ng mga OFW at marinero,

maawa ka, Panginoon.

Hesus Nazareno, sa mga gutom, uhaw at hubad,

maawa ka, Panginoon.

Hesus Nazareno, sa mga taong mapaghiganti,

maawa ka, Panginoon.

Hesus Nazareno, sa mga balo at mga ulila,

maawa ka, Panginoon.

Hesus Nazareno, sa mga masakim at makasarili,

maawa ka, Panginoon.

Hesus Nazareno, sa mga naglilibing ng minamahal,

maawa ka, Panginoon.

Hesus Nazareno, sa mga bagong binyagang Katoliko,

maawa ka, Panginoon.

*Ama naming makapangyarihan,

niloob mong akuin ng iyong Anak ang krus at kamatayan

upang ang sangkatauha’y matubos at mabuhay.

Ang pag-ako namin sa krus at kamatayan dito sa lupa

ayon sa diwa ng pagsunod sa iyong loob na ginanap ng iyong Anak

ay magpagindapat nawang aming kamtin

ang lubos na katubusan at pagkabuhay sa iyong piling

sa pamamagitan ni Hesukristo kasama ng Espiritu Santo

magpasawalang hanggan. Amen.

Nuestro Padre Jesus Nazareno,

sinasamba ka namin,

pinipintuho ka namin.

Aral mo ang aming buhay at kaligtasan.

 

Nuestro Padre Jesus Nazareno,

iligtas mo kami sa kasalanan.

Ang krus mong kinamatayan ay

sagisag ng aming kaligtasan.

Nuestro Padre Jesus Nazareno,

dinarangal ka namin.

Nuestro Padre Jesus Nazareno,

Nilul’walhati ka namin.

Mga kapatid, pakinggan po ninyo ang sinasabi ng ating Panginoon.

“Ang sinumang nagnanais sumunod sa akin

ay kinakailangang itakwil niya ang kanyang sarili,

pasanin ang kanyang krus, at sumunod sa akin.

Ang naghahangad na magligtas ng kanyang buhay ay mawawalan nito;

ngunit ang mawalan ng kanyang buhay alang-alang sa akin ay magkakamit nito.

Sapagkat ano ba ang mapapala ng isang tao makamtan man niya ang buong daigdig,

ngunit mapapahamak naman ang kanyang sarili?

Ano ba ang maibabayad ng isang tao para mabawi niya ang kanyang buhay?

Sapagkat darating ang Anak ng Tao na kasama ang kanyang mga anghel,

at taglay ang dakilang kapangyarihan ng kanyang Ama.

Sa panahong iyo’y

gagantimpalaan niya ang bawat tao ayon sa ginawa nito. ” (Mateo 16:24-27)

Mga kapatid, pakinggan po ninyo ang sinasabi ng ating Panginoon.

Totoo ang kasabihang ito:

“Kung tayo’y namatay na kasama ni Hesukristo, mabubuhay din tayong kasama niya.

Kung tayo’y nagtitiis ng hirap sa mundong ito, maghahari din tayong kapiling niya.

Kapag siya’y ating ikinahiya, ikakahiya rin niya tayo.

Kung tayo man ay hindi tapat, siya’y nananatiling tapat pa rin sapagkat hindi niya maaaring itakwil ang kanyang sarili.” (2 Timoteo 1:11-13)

NOBENA SA NUESTRO PADRE JESUS NAZARENO – Ikatlong Biyernes

NOBENA SA NUESTRO PADRE JESUS NAZARENO

– Ikatlong Biyernes –

 

Krus ng ating kaligtasan

Dapat nating ikarangal

Sagisag ng kalayaan

At ng Muling Pagkabuhay

Ni Hesus na Poong mahal

 

Mga kapatid,

lumuhod tayo sa harap ng larawan ng Nuestro Padre Jesus Nazareno.

Sambahin natin Siya na nakaluklok sa kanan ng Amang nabubuhay magpakailanman.

 

Mga kapatid, pakinggan po ninyo ang sinasabi ng ating Panginoon.

 

Ang pagtitiis ng hirap

ay bahagi ng pagkatawag sa inyo ng Diyos,

sapagkat nang si Kristo ay magtiis para sa inyo, binigyan niya kayo

ng isang halimbawang dapat tularan.

Hindi siya gumawa ng anumang kasalanan, o nagsinungaling kailanman

Nang siya’y insultuhin, hindi siya gumanti.

Nang siya’y pahirapan, hindi siya nagbanta.

sa halip, ipinaubaya niya ang lahat

sa Diyos na makatarungan kung humatol.

Sa kanyang pagkamatay sa krus,

pinasan niya ang bigat ng ating mga kasalanan

upang tayo’y mamatay na sa kasalanan

at mamuhay ayon sa kalooban ng Diyos.

Kayo’y pinagaling na

sa pamamagitan ng kanyang mga sugat.

Sapagkat kayo ay tulad ng mga tupang naliligaw,

ngunit ngayon kayo’y nanumbalik na upang sumunod sa Pastol

at Tagapangalaga ng inyong mga kaluluwa. (I Pedro 2:21-25)

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Ikaw ang tanging Anak ng Diyos!

Naging anak ka rin ni Mariang Birheng kalinis-linisan.

Bigay ka ni Maria sa amin

bilang Tagapagligtas at kapatid.

 

Bigay mo si Maria sa amin bilang Ina namin at pag-asa.

Pinuno mo siya ng grasya.

Punuin mo rin kami ng grasya ng Espiritu Santo:

pag-ibig, kagalakan, kapayapaan,

pagtitiyaga, kagandahang-loob,

kabutihan, katapatan, kaamuan,

at pagpipigil sa sarili. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Inilalarawan mo sa amin

ang mukha ng Diyos na di nakikita;

ang Diyos na puspos ng pag-ibig at lipos ng habag.

Katulad mo kami sa lahat ng bagay, liban sa kasalanan.

Sa Binyag kami ay ginawa mong

mga anak ng Diyos na banal.

Sa aming pamumuhay araw-araw maipakita nawa namin

ang nakalulugod sa Ama namin. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Lubos mong naunawaan at nadama

kung gaano kasama ang kasalanan

ng bawat tao sa nakaraan, sa kasalukuyan

at hanggang sa katapusan ng panahon.

Sinunod mo ang kalooban ng Ama

na iyong tiisin ang maraming hirap at kamatayan sa krus

para tubusin ang mga tao

mula sa bawat lipi, wika, bayan, at bansa

at gawin silang mga saserdote para maglingkod sa Diyos Amang Makapangyarihan sa lahat.

Kami nawa’y makasama mo

sa iyong patuloy na pagtitiis ng kahirapan

para sa kaligtasan ng sanlibutan. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Sapagkat ikaw ay mabuti.

Ang pag-ibig mo’y napakatatag at mananatili,

hindi kukupas, walang katapusan, hindi magwawakas. Amen.

 

Ikatlong Biyernes

 

Hesus Nazareno, sa mga paring di na makapagmisa,

maawa ka, Panginoon.

 

Hesus Nazareno, sa mga madaling matukso,

maawa ka, Panginoon.

 

Hesus Nazareno, sa mga inosenteng nakakulong,

maawa ka, Panginoon.

 

Hesus Nazareno, sa mga nilalait ng Mass-Media,

maawa ka, Panginoon.

 

Hesus Nazareno, sa mga nagpapadala sa kapahamakan,

maawa ka, Panginoon.

 

Hesus Nazareno, sa mga di makaiwas sa mga bisyo,

maawa ka, Panginoon.

 

Hesus Nazareno, sa mga ayaw magpasan ng krus,

maawa ka, Panginoon.

 

Hesus Nazareno, sa mga maraming alagang anak,

maawa ka, Panginoon.

 

Hesus Nazareno, sa mga nataningan na ang buhay,

maawa ka, Panginoon.

 

Hesus Nazareno, sa mga maysakit na mangungumpisal,

maawa ka, Panginoon.

 

Hesus Nazareno, sa mga di umiibig kay Inang Maria,

maawa ka, Panginoon.

 

Hesus Nazareno, sa mga wala nang anak,

maawa ka, Panginoon.

 

Hesus Nazareno, sa mga kaluluwa sa Purgatoryo,

maawa ka, Panginoon.

 

Hesus Nazareno, sa mga di makasunod sa iyo,

maawa ka, Panginoon.

 

*Ama naming makapangyarihan,

niloob mong akuin ng iyong Anak ang krus at kamatayan

upang ang sangkatauha’y matubos at mabuhay.

Ang pag-ako namin sa krus at kamatayan dito sa lupa

ayon sa diwa ng pagsunod sa iyong loob na ginanap ng iyong Anak

ay magpagindapat nawang aming kamtin

ang lubos na katubusan at pagkabuhay sa iyong piling

sa pamamagitan ni Hesukristo kasama ng Espiritu Santo

magpasawalang hanggan. Amen.

 

Nuestro Padre Jesus Nazareno,

sinasamba ka namin,

pinipintuho ka namin.

Aral mo ang aming buhay at kaligtasan.

 

Nuestro Padre Jesus Nazareno,

iligtas mo kami sa kasalanan.

Ang krus mong kinamatayan ay

sagisag ng aming kaligtasan.

Nuestro Padre Jesus Nazareno,

dinarangal ka namin.

Nuestro Padre Jesus Nazareno,

Nilul’walhati ka namin.

 

Mga kapatid, pakinggan po ninyo ang sinasabi ng ating Panginoon.

 

“Ang sinumang nagnanais sumunod sa akin

ay kinakailangang itakwil niya ang kanyang sarili,

pasanin ang kanyang krus, at sumunod sa akin.

Ang naghahangad na magligtas ng kanyang buhay ay mawawalan nito;

ngunit ang mawalan ng kanyang buhay alang-alang sa akin ay magkakamit nito.

Sapagkat ano ba ang mapapala ng isang tao makamtan man niya ang buong daigdig,

ngunit mapapahamak naman ang kanyang sarili?

Ano ba ang maibabayad ng isang tao para mabawi niya ang kanyang buhay?

Sapagkat darating ang Anak ng Tao na kasama ang kanyang mga anghel,

at taglay ang dakilang kapangyarihan ng kanyang Ama.

Sa panahong iyo’y

gagantimpalaan niya ang bawat tao ayon sa ginawa nito. ” (Mateo 16:24-27)

 

Mga kapatid, pakinggan po ninyo ang sinasabi ng ating Panginoon.

Totoo ang kasabihang ito:

“Kung tayo’y namatay na kasama ni Hesukristo, mabubuhay din tayong kasama niya.

Kung tayo’y nagtitiis ng hirap sa mundong ito, maghahari din tayong kapiling niya.

Kapag siya’y ating ikinahiya, ikakahiya rin niya tayo.

Kung tayo man ay hindi tapat, siya’y nananatiling tapat pa rin sapagkat hindi niya maaaring itakwil ang kanyang sarili.” (2 Timoteo 1:11-13)

NOBENA SA NUESTRO PADRE JESUS NAZARENO – Ikalawang Biyernes

NOBENA SA NUESTRO PADRE JESUS NAZARENO

– Ikalawang Biyernes –

 

Krus ng ating kaligtasan

Dapat nating ikarangal

Sagisag ng kalayaan

At ng Muling Pagkabuhay

Ni Hesus na Poong mahal

 

Mga kapatid,

lumuhod tayo sa harap ng larawan ng Nuestro Padre Jesus Nazareno.

Sambahin natin Siya na nakaluklok sa kanan ng Amang nabubuhay magpakailanman.

 

Mga kapatid, pakinggan po ninyo ang sinasabi ng ating Panginoon.

 

Ang pagtitiis ng hirap

ay bahagi ng pagkatawag sa inyo ng Diyos,

sapagkat nang si Kristo ay magtiis para sa inyo, binigyan niya kayo

ng isang halimbawang dapat tularan.

Hindi siya gumawa ng anumang kasalanan, o nagsinungaling kailanman

Nang siya’y insultuhin, hindi siya gumanti.

Nang siya’y pahirapan, hindi siya nagbanta.

sa halip, ipinaubaya niya ang lahat

sa Diyos na makatarungan kung humatol.

Sa kanyang pagkamatay sa krus,

pinasan niya ang bigat ng ating mga kasalanan

upang tayo’y mamatay na sa kasalanan

at mamuhay ayon sa kalooban ng Diyos.

Kayo’y pinagaling na

sa pamamagitan ng kanyang mga sugat.

Sapagkat kayo ay tulad ng mga tupang naliligaw,

ngunit ngayon kayo’y nanumbalik na upang sumunod sa Pastol

at Tagapangalaga ng inyong mga kaluluwa. (I Pedro 2:21-25)

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Ikaw ang tanging Anak ng Diyos!

Naging anak ka rin ni Mariang Birheng kalinis-linisan.

Bigay ka ni Maria sa amin

bilang Tagapagligtas at kapatid.

 

Bigay mo si Maria sa amin bilang Ina namin at pag-asa.

Pinuno mo siya ng grasya.

Punuin mo rin kami ng grasya ng Espiritu Santo:

pag-ibig, kagalakan, kapayapaan,

pagtitiyaga, kagandahang-loob,

kabutihan, katapatan, kaamuan,

at pagpipigil sa sarili. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Inilalarawan mo sa amin

ang mukha ng Diyos na di nakikita;

ang Diyos na puspos ng pag-ibig at lipos ng habag.

Katulad mo kami sa lahat ng bagay, liban sa kasalanan.

Sa Binyag kami ay ginawa mong

mga anak ng Diyos na banal.

Sa aming pamumuhay araw-araw maipakita nawa namin

ang nakalulugod sa Ama namin. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Lubos mong naunawaan at nadama

kung gaano kasama ang kasalanan

ng bawat tao sa nakaraan, sa kasalukuyan

at hanggang sa katapusan ng panahon.

Sinunod mo ang kalooban ng Ama

na iyong tiisin ang maraming hirap at kamatayan sa krus

para tubusin ang mga tao

mula sa bawat lipi, wika, bayan, at bansa

at gawin silang mga saserdote para maglingkod sa Diyos Amang Makapangyarihan sa lahat.

Kami nawa’y makasama mo

sa iyong patuloy na pagtitiis ng kahirapan

para sa kaligtasan ng sanlibutan. Amen.

 

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Sapagkat ikaw ay mabuti.

Ang pag-ibig mo’y napakatatag at mananatili,

hindi kukupas, walang katapusan, hindi magwawakas. Amen.

 

Ikalawang Biyernes
 

Hesus Nazareno, sa mga bayang walang Misa,

maawa ka, Panginoon.

 

Hesus Nazareno, sa mga may mabigat na problema,

maawa ka, Panginoon.

 

Hesus Nazareno, sa mga di-kayang magtrabaho,

maawa ka, Panginoon.

 

Hesus Nazareno, sa mga katulong na dustang-dusta,

maawa ka, Panginoon.

 

Hesus Nazareno, sa mga hirap sa paghahanap-buhay,

maawa ka, Panginoon.

 

Hesus Nazareno, sa mga di nakararanas ng pahinga,

maawa ka, Panginoon.

 

Hesus Nazareno, sa mga nag-aalaga ng matatanda,

maawa ka, Panginoon.

 

Hesus Nazareno, sa mga mag-inang taga-kalye,

maawa ka, Panginoon.

 

Hesus Nazareno, sa mga maysakit na nagtatrabaho,

maawa ka, Panginoon.

 

Hesus Nazareno, sa mga nagsasamang di pa kasal,

maawa ka, Panginoon.

 

Hesus Nazareno, sa mga nag-aampon ng anak ng iba,

maawa ka, Panginoon.

 

Hesus Nazareno, sa mga namatay sa tabi ng kanilang ina,

maawa ka, Panginoon.

 

Hesus Nazareno, sa mga naglilibing ng kaibigan,

maawa ka, Panginoon.

 

Hesus Nazareno, sa mga nagsisikap magbagong-buhay,

maawa ka, Panginoon.

 

*Ama naming makapangyarihan,

niloob mong akuin ng iyong Anak ang krus at kamatayan

upang ang sangkatauha’y matubos at mabuhay.

Ang pag-ako namin sa krus at kamatayan dito sa lupa

ayon sa diwa ng pagsunod sa iyong loob na ginanap ng iyong Anak

ay magpagindapat nawang aming kamtin

ang lubos na katubusan at pagkabuhay sa iyong piling

sa pamamagitan ni Hesukristo kasama ng Espiritu Santo

magpasawalang hanggan. Amen.

 

Nuestro Padre Jesus Nazareno,

sinasamba ka namin,

pinipintuho ka namin.

Aral mo ang aming buhay at kaligtasan.

 

Nuestro Padre Jesus Nazareno,

iligtas mo kami sa kasalanan.

Ang krus mong kinamatayan ay

sagisag ng aming kaligtasan.

Nuestro Padre Jesus Nazareno,

dinarangal ka namin.

Nuestro Padre Jesus Nazareno,

Nilul’walhati ka namin.

 

Mga kapatid, pakinggan po ninyo ang sinasabi ng ating Panginoon.

 

“Ang sinumang nagnanais sumunod sa akin

ay kinakailangang itakwil niya ang kanyang sarili,

pasanin ang kanyang krus, at sumunod sa akin.

Ang naghahangad na magligtas ng kanyang buhay ay mawawalan nito;

ngunit ang mawalan ng kanyang buhay alang-alang sa akin ay magkakamit nito.

Sapagkat ano ba ang mapapala ng isang tao makamtan man niya ang buong daigdig,

ngunit mapapahamak naman ang kanyang sarili?

Ano ba ang maibabayad ng isang tao para mabawi niya ang kanyang buhay?

Sapagkat darating ang Anak ng Tao na kasama ang kanyang mga anghel,

at taglay ang dakilang kapangyarihan ng kanyang Ama.

Sa panahong iyo’y

gagantimpalaan niya ang bawat tao ayon sa ginawa nito. ” (Mateo 16:24-27)

 

Mga kapatid, pakinggan po ninyo ang sinasabi ng ating Panginoon.

Totoo ang kasabihang ito:

“Kung tayo’y namatay na kasama ni Hesukristo, mabubuhay din tayong kasama niya.

Kung tayo’y nagtitiis ng hirap sa mundong ito, maghahari din tayong kapiling niya.

Kapag siya’y ating ikinahiya, ikakahiya rin niya tayo.

Kung tayo man ay hindi tapat, siya’y nananatiling tapat pa rin sapagkat hindi niya maaaring itakwil ang kanyang sarili.” (2 Timoteo 1:11-13)

NOBENA SA NUESTRO PADRE JESUS NAZARENO – Unang Biyernes

NOBENA SA NUESTRO PADRE JESUS NAZARENO

– Unang Biyernes –

Krus ng ating kaligtasan

Dapat nating ikarangal

Sagisag ng kalayaan

At ng Muling Pagkabuhay

Ni Hesus na Poong mahal

Mga kapatid,

lumuhod tayo sa harap ng larawan ng Nuestro Padre Jesus Nazareno.

Sambahin natin Siya na nakaluklok sa kanan ng Amang nabubuhay magpakailanman.

Mga kapatid, pakinggan po ninyo ang sinasabi ng ating Panginoon.

Ang pagtitiis ng hirap

ay bahagi ng pagkatawag sa inyo ng Diyos,

sapagkat nang si Kristo ay magtiis para sa inyo, binigyan niya kayo

ng isang halimbawang dapat tularan.

Hindi siya gumawa ng anumang kasalanan, o nagsinungaling kailanman

Nang siya’y insultuhin, hindi siya gumanti.

Nang siya’y pahirapan, hindi siya nagbanta.

sa halip, ipinaubaya niya ang lahat

sa Diyos na makatarungan kung humatol.

Sa kanyang pagkamatay sa krus,

pinasan niya ang bigat ng ating mga kasalanan

upang tayo’y mamatay na sa kasalanan

at mamuhay ayon sa kalooban ng Diyos.

Kayo’y pinagaling na

sa pamamagitan ng kanyang mga sugat.

Sapagkat kayo ay tulad ng mga tupang naliligaw,

ngunit ngayon kayo’y nanumbalik na upang sumunod sa Pastol

at Tagapangalaga ng inyong mga kaluluwa. (I Pedro 2:21-25)

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Ikaw ang tanging Anak ng Diyos!

Naging anak ka rin ni Mariang Birheng kalinis-linisan.

Bigay ka ni Maria sa amin

bilang Tagapagligtas at kapatid.

Bigay mo si Maria sa amin bilang Ina namin at pag-asa.

Pinuno mo siya ng grasya.

Punuin mo rin kami ng grasya ng Espiritu Santo:

pag-ibig, kagalakan, kapayapaan,

pagtitiyaga, kagandahang-loob,

kabutihan, katapatan, kaamuan,

at pagpipigil sa sarili. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Inilalarawan mo sa amin

ang mukha ng Diyos na di nakikita;

ang Diyos na puspos ng pag-ibig at lipos ng habag.

Katulad mo kami sa lahat ng bagay, liban sa kasalanan.

Sa Binyag kami ay ginawa mong

mga anak ng Diyos na banal.

Sa aming pamumuhay araw-araw maipakita nawa namin

ang nakalulugod sa Ama namin. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Lubos mong naunawaan at nadama

kung gaano kasama ang kasalanan

ng bawat tao sa nakaraan, sa kasalukuyan

at hanggang sa katapusan ng panahon.

Sinunod mo ang kalooban ng Ama

na iyong tiisin ang maraming hirap at kamatayan sa krus

para tubusin ang mga tao

mula sa bawat lipi, wika, bayan, at bansa

at gawin silang mga saserdote para maglingkod sa Diyos Amang Makapangyarihan sa lahat.

Kami nawa’y makasama mo

sa iyong patuloy na pagtitiis ng kahirapan

para sa kaligtasan ng sanlibutan. Amen.

Hesus Nazareno, aming Panginoon at Diyos!

Karapat-dapat kang tumanggap

ng papuri at pasasalamat, parangal at paggalang,

kadakilaan at kapangyarihan magpakailanman! Amen.

Sapagkat ikaw ay mabuti.

Ang pag-ibig mo’y napakatatag at mananatili,

hindi kukupas, walang katapusan, hindi magwawakas. Amen.

Unang Biyernes

Hesus Nazareno, sa mga Katolikong malayo sa simbahan,

maawa ka, Panginoon.

Hesus Nazareno, sa mga madalang manalangin,

maawa ka, Panginoon.

Hesus Nazareno, sa mga hinahatulang mamatay,

maawa ka, Panginoon.

Hesus Nazareno, sa mga labis na pinahihirapan,

maawa ka, Panginoon.

Hesus Nazareno, sa mga di-marunong magtiis,

maawa ka, Panginoon.

Hesus Nazareno, sa mga sobra na ang paghihirap,

maawa ka, Panginoon.

Hesus Nazareno, sa mga mag-asawa sa hirap at dusa,

maawa ka, Panginoon.

Hesus Nazareno, sa mga ina ng mga suwail,

maawa ka, Panginoon.

Hesus Nazareno, sa mga yumayaong nag-iisa,

maawa ka, Panginoon.

Hesus Nazareno, sa mga ayaw manalig sa iyo,

maawa ka, Panginoon.

Hesus Nazareno, sa mga may anak na magpapari,

maawa ka, Panginoon.

Hesus Nazareno, sa mga namamanata sa Diyos,

maawa ka, Panginoon.

Hesus Nazareno, sa mga nagbabaón ng kasalanan,

maawa ka, Panginoon.

Hesus Nazareno, sa mga bagong lingkod ng Diyos,

maawa ka, Panginoon.

*Ama naming makapangyarihan,

niloob mong akuin ng iyong Anak ang krus at kamatayan

upang ang sangkatauha’y matubos at mabuhay.

Ang pag-ako namin sa krus at kamatayan dito sa lupa

ayon sa diwa ng pagsunod sa iyong loob na ginanap ng iyong Anak

ay magpagindapat nawang aming kamtin

ang lubos na katubusan at pagkabuhay sa iyong piling

sa pamamagitan ni Hesukristo kasama ng Espiritu Santo

magpasawalang hanggan. Amen.

Nuestro Padre Jesus Nazareno,

sinasamba ka namin,

pinipintuho ka namin.

Aral mo ang aming buhay at kaligtasan.

 

Nuestro Padre Jesus Nazareno,

iligtas mo kami sa kasalanan.

Ang krus mong kinamatayan ay

sagisag ng aming kaligtasan.

Nuestro Padre Jesus Nazareno,

dinarangal ka namin.

Nuestro Padre Jesus Nazareno,

Nilul’walhati ka namin.

Mga kapatid, pakinggan po ninyo ang sinasabi ng ating Panginoon.

“Ang sinumang nagnanais sumunod sa akin

ay kinakailangang itakwil niya ang kanyang sarili,

pasanin ang kanyang krus, at sumunod sa akin.

Ang naghahangad na magligtas ng kanyang buhay ay mawawalan nito;

ngunit ang mawalan ng kanyang buhay alang-alang sa akin ay magkakamit nito.

Sapagkat ano ba ang mapapala ng isang tao makamtan man niya ang buong daigdig,

ngunit mapapahamak naman ang kanyang sarili?

Ano ba ang maibabayad ng isang tao para mabawi niya ang kanyang buhay?

Sapagkat darating ang Anak ng Tao na kasama ang kanyang mga anghel,

at taglay ang dakilang kapangyarihan ng kanyang Ama.

Sa panahong iyo’y

gagantimpalaan niya ang bawat tao ayon sa ginawa nito. ” (Mateo 16:24-27)

Mga kapatid, pakinggan po ninyo ang sinasabi ng ating Panginoon.

Totoo ang kasabihang ito:

“Kung tayo’y namatay na kasama ni Hesukristo, mabubuhay din tayong kasama niya.

Kung tayo’y nagtitiis ng hirap sa mundong ito, maghahari din tayong kapiling niya.

Kapag siya’y ating ikinahiya, ikakahiya rin niya tayo.

Kung tayo man ay hindi tapat, siya’y nananatiling tapat pa rin 

sapagkat hindi niya maaaring itakwil ang kanyang sarili.” (2 Timoteo 1:11-13)

Viva Nuestro Padre Jesus Nazareno y Viva El Papa (Traslacion, Pope Francis’ visit to Philippines – January 2015)

jan 9 2015

Luke 4:16-21

16 He went to Nazareth, where He had been brought up, and on the Sabbath day He went into the synagogue, as was His custom. He stood up to read, 17 and the scroll of the prophet Isaiah was handed to Him. Unrolling it, He found the place where it is written:

18 “The Spirit of the Lord is on me,
because he has anointed me
to proclaim good news to the poor.
He has sent me to proclaim freedom for the captives,
and recovery of sight for the blind,
to set the oppressed free,
19   to proclaim the year of the Lord’s favor.”

20 Then He rolled up the scroll, gave it back to the attendant and sat down. The eyes of everyone in the synagogue were fastened on Him. 21 He began by saying to them, “Today this scripture is fulfilled in your hearing.”